DAY040: 沖咖啡

好耐無沖過咖啡,所以就決定買 d 工具返黎攪攪佢。呢度有用電既 Moka 壼賣,但係我又未搵到傳統少少既 Bialetti Moke Express,所以就買左個土耳其咖啡壼。但係一路都做唔到有 froth 既效果,傷心ing。。。。唯有當整咖啡底,然後加奶。。。。 P.S. 個爐好拿渣,之前已經係咁,唔關我事的。 整極都做唔到土耳其咖啡效果
Read More

DAY037: 中國貨市集

今日係聖誕節,不過呢度基本上唔會有人慶祝,因為呢度既人過既係新年同東正教聖誕。新年就梗係一月一號啦,而東正教既聖誕就係一月七號。今日無咩做,就同幾個係度識既同學出左去。佢地話要買啲野。去到發現原來去既係一個專賣中國貨既市集,簡單黎講就係淘寶。係市集行黎行去,行左兩個幾鐘,雖然今日只係零下十三度,但係露天咁樣行,真係凍到腳指都甩;連係呢度大既真。西伯利亞人都話好凍,咁應該真係好凍。應該係,除非唔係。 雖然天氣唔算凍,重有少少陽光;但係街行兩個幾鐘,的確係幾係野。
Read More

DAY029: 佢地真係唔怕凍架

打聽之下,知道係咩地方可以整返件褸條拉鍊,今日就攞件褸出去整。今日其實好大雪,好凍。出到去,竟然有一個好細既"露天市集"。其實啲貨都舖晒雪,但係佢地好似無野咁,係寒風中賣野。唔通。。。。佢地真係西伯利亞人,冬天的冠軍??
Read More

DAY028: 生學証。出糧

過左廿八日,今日卒之拿到學生証;呢度其實都幾階級,Master 學生証就藍色;PhD 就紅色。另一件神奇既事係,話說我係無申請任何 Scholarship 過黎西伯利亞的,但係前兩日學校竟然俾個左 email 我,話俾 Scholarship 我。咁就唔估原因係咩啦,重點係,今日出第一期四個月既錢,學校竟然係俾。。。。現金。金額係呢度應該算係多,拿住咁多 Cash,要快 d 去銀行入左佢先得。 卒之拿到學生証(左);Scholarship出現金都咪話唔"近"(右)
Read More

DAY023: 招呼朋友

識左個新既朋友,由印度黎到西伯利亞做研究,佢黎左五個月左右,我黎左兩個星期多少少,佢又帶我去酒吧,又請我飲酒。所謂禮尚往來,我當然要招呼下佢黎我度食返餐。唔係整多好多野,都係簡簡單單。唔好以為呢個係咖哩,要我整咖哩招呼一個印度人應該都叫班門弄斧,呢個其實係可樂雞翼炆薯仔,印度朋友食得好開心,不過佢好似鐘意食薯仔多過雞翼,應該係因為薯仔吸晒味。 隨左可樂雞翼,又整左吐司;不過呢度麵包好硬,同埋本身都幾鹹,所以就唯有焗耐啲,落多啲糖,效果幾好。下次可以再整。
Read More

DAY022: 真係好難食

呢幾樣野真係好難食。錯,唔應該話難食,應該話係好X難食。事緣係要預備聽日招呼個新識既朋友黎我度食個午飯,就出去買啲野。平事黎呢個地方,我一定係幫襯上校,即係KFC,今日見到有間野有啲類似餃子既物體,就買黎試下。唔食到算,一食就覺得好唔掂,重有啲魚係腥到爆,真係唔食好過食。。。。
Read More

DAY021: 大鑊,件褸爛左

今次真大鑊,件褸條拉鍊爛左,而家既狀態係,拉好拉鍊後佢有時會自己向上甩返出黎。呢件係我唯一一件可以頂到零下廿幾度既大褸,到堅係冬天既時候就會成日零下廿幾三十度。早知唔係淘寶買,貪平就出事,而家唯有問下有無地方可以幫人換拉鍊,如果無,就要買過件。。。
Read More