其實，我係決定左有錢有時間就會開始係度做孤獨的美食家。今次係第一次係度一個人出去食大餐，係網度睇左一輪，最後就試左呢間 Franky Woo。其實呢間野係怪怪地，唔係好知佢係 Serve 咩菜色，似中菜但係佢又話自己係 America，不過啲野都幾好食。不過係講食左乜野之前，一定要講講最令我覺得 Amazing 既，係呢度個 Menu 竟然會有正體中文，呢樣野真係估都估唔到。
講都唔信，Menu 竟然有正體中文
今日去其實食左三樣野，叫左一個沙律，一個湯，一個甜品，同埋一個估都估唔到既。。。。兔肉。
我會話，三樣野其實都好食，沙律係煙肉加菜加芝士；唔肥，好香煙肉味，打呢幾隻家時都有少少流口水。
沙律，係真係幾好食
湯就係魚湯，其實都唔係好記得佢係咩魚湯，肯定係有幾種唔同既魚，同埋話係芬蘭煮法，魚湯唔腥，所以都係好正。
魚湯
跟住就係主菜——兔肉。其實我從來未食過兔肉，所以唔知咩味，感覺有少少似雞，不過肉質其實無呢特別。佢係用紅蘿蔔絲一齊煮，有少少酸甜。
兔肉
最係就係甜品，其實食到呢個時候已經有少少飽，不過食一件Cake都重係OK的。呢個係類似紅莓做既Cake，以呢度既 Standard 黎講，呢件 Cake 唔算叫做甜。話晒係呢到個 Waiter 推介的，真係無昆我，係幾好。
甜品：紅莓 Cake
最後就講講呢度既環境，感覺係似好 High 的，不過呢度應該係叫做幾貴既地方，裝修 High 都係正常。最勁其實係廁所，洗手既地方好大塊玻璃，可以睇到出面既景色。有機會，夏天時要再黎，再做孤獨的美食家，再睇下呢度夏天既風景係點。
