唔使講咁多，睇到 Kannam Chicken 呢個名，就知道呢間野係食韓食。叫得自己做 Chicken，梗係要試下呢度既炸雞。
因為係孤獨的美食家的緣故，所以唔可以叫好多炸雞，於是就叫左炸雞翼，同埋一碟炸年糕。食完之後，我只會講兩個字 —— 失望。
其實呢間舖間環境算唔錯，裝修果 d 都 ok，同埋間舖係插韓文歌既，都算係幾認真。
講到野食，正如之前講，係失望既。先講下碟年糕，完全唔辣。不過呢樣野其實可以理解，因為好多本地人都唔係好食得辣。但係最勁既地方係，碟野食落好似平時係粥舖食到既炒麵，所以個感覺都幾係古怪。
其實碟野唔單只係味道，連個樣都好似炒麵
跟住炸雞。係，叫雞翼係會渣左，但係我估唔到，d 雞翼竟然係 KFC 風味。大佬，咁我可以去 KFC 就得，唔使特登走黎食韓食。唉，都係一個字，失望。
炸雞係連薯仔的，但係真係完全 KFC 風味