聽日就係農曆新年，作為香港人點都應該慶祝一下。所以今日就約埋幾個中國黎既同學去食返餐。
慶祝年三十就梗係唔會食俄羅斯菜啦，我地去左一間叫夜上海既餐廳，呢度主要係食偏中國北方既菜。入到去已經見到一大枱中國人，後黎發現呢枱中國人係餐廳老闆既一伙人。
最勁既地方係，我地俾老闆點左相，佢走黎係咁灌我地飲，飲到我地幾條友湯咁滯。不過今晚都叫做係盡興既，又飲又食又唱歌。重有俄羅斯靚女唱俄文歌贈興。
而成晚唯一美中不足既，就係叫左一味辣子雞但係完全唔辣，估計係因為要就返俄羅斯西伯利亞人既口味，不過都無所謂，有得食好過無得食。
最後要講既就係～～～恭喜發財，恭喜大家發財！
唔辣既辣子雞
唱歌唱到好開心