DAY057: 孤獨的美食家 – Ёлки

今個星期又再黎做孤的美食家,今次就試一間會有俄羅斯菜既舖 Ёлки。如果用返英文,大約應該係叫 Elki,不過都唔重要,係西伯利亞梗係用俄文。今日唔係叫左好多野,主要原因係平時食野太少,唔慣食太多野。所以,今日叫左一個有肉有薯仔既鐵板野,同埋一件 Cake。

呢個有肉有薯仔既鐵板野,其實我都唔知叫咩名堂,見到 Menu 有相就叫左。呢味野其實係第二啲食店都有機會見到,貎似係俄羅斯菜,不過講真味道無咩特別,但係就好多油囉。


味道乜特別,不過不失,但係都幾油

個 Cake 反而算係唔錯,雖然都係甜左少少,但係入口感覺幾好。


Cake

睇返第一張相,就發現其實重有一杯野飯。呢杯係朱古力加香蕉奶昔,呢個有少少驚喜,不過我本身鐘意香蕉味,所以好難作準。

最後又係講下裝修,呢間舖裝修有少少特式感覺。佢特登做左啲森林 feel,出面唔落雪既話應該會好 feel 啲。

去完食飯,見到有個公園,就入去行下。呢度細路冬天真係好開心,可以玩冰滑梯,可惜我年紀大,走埋去玩好似好怪,唯有齋睇。呢度重有一個貎似變型金剛基地既野,真係笑死。

發表迴響